الشروط والأحكام
آخر تحديث: 27 أكتوبر 2026
باستخدامك بوينتي (التطبيق أو الموقع) إنت موافق على الشروط دي.
للعملاء
النقاط
- المحلات المشتركة بس هي اللي بتدي نقاط، والنقطة قيمتها 10 قروش خصم.
- كل دفعة نقاط بتتصرف في الأماكن اللي المحل حددها (المحل نفسه أو فروعه)، ولها تاريخ انتهاء بيظهر في التطبيق. النقاط بعد التاريخ ده بتضيع.
- النقاط خصم على المشتريات، ومش بتتحول فلوس كاش، ومش بتتنقل لحساب تاني.
- لو رجّعت المشتريات اللي كسبت عليها نقاط، النقاط بتتلغي. ولو كنت صرفتها، المحل ممكن يطلب منك قيمتها.
- أي تلاعب في النقاط بيعرّض الحساب للإيقاف وإلغاء النقاط.
المحتوى
- طلبات المنتجات والرسايل والتقييمات لازم تكون حقيقية ومحترمة. ممنوع الإساءة أو الإعلانات أو المحتوى المخالف للقانون.
- من حقنا نخفي تقييم أو نقفل محادثة مخالفة.
- المحل هو المسؤول عن منتجاته وأسعاره ومعاملته معاك، وبوينتي وسيط بيسهّل التواصل والنقاط.
للمحلات
- الاشتراك السنوي بيتحسب لكل فرع وبيتدفع مقدماً، وكل الفروع بتتدار من لوحة تاجر واحدة. أي محل جديد ليه فترة تجريبية مجانية لأول فرع. بعد انتهاء الاشتراك بأسبوع، إضافة النقاط بتقف والمحل بيختفي من البحث، والعملاء بيفضلوا يصرفوا نقاطهم عنده.
- الفرع اللي بيتضاف في نص سنة الاشتراك بيدفع بس عن الجزء الباقي من سنة المحل، وبيشتغل بعد ما الدفع يتأكد.
- كل فرع معاه كاشير واحد، وممكن نزوّد عدد الكاشيرية لأي فرع بطلب من المحل من غير مصاريف إضافية.
- قيمة النقاط اللي المحل بيديها بتتحسب عليه للمنصة، وبترجعله لما تتصرف عنده. والنقاط اللي بتنتهي من غير ما تتصرف قيمتها بتتقسم بين المحل والمنصة.
- المحل لازم يسدد المستحق عليه. لو المستحق عدّى حد الائتمان، إضافة النقاط بتقف لحد السداد.
- الدفع بالتحويل، وبيتفعّل بعد ما نتأكد من وصوله. الاشتراك والمميز والحملات مش بيترجع فلوسهم بعد التفعيل، إلا لو العدد اللي اتبعتله الحملة أقل من المدفوع.
- حملات واتساب لازم تكون عروض حقيقية، ومحتواها بيتراجع قبل الإرسال، ومن حقنا نرفض أي حملة.
- المحل مسؤول عن موظفيه وصلاحياتهم، وعن أي عملية بتتعمل بحساباتهم.
- بيانات العملاء اللي بتظهر للمحل بتتستخدم لخدمتهم بس، ومش بتتنقل لحد.
عام
- بنحاول نخلي الخدمة شغالة طول الوقت، بس ممكن تقف وقت الصيانة أو لأسباب خارجة عن إرادتنا.
- من حقنا نوقف أي حساب بيخالف الشروط دي.
- ممكن نعدّل الشروط، وهنحدّث التاريخ اللي فوق. استمرارك في الاستخدام بعد التعديل معناه موافقتك.
- الشروط دي خاضعة لقوانين جمهورية مصر العربية.
- للتواصل: support@point-y.com.